|
Jæja
Jæja, nú er allt frekar rólegt hjá mér. Byrjaði í skólanum í gær. Á morgun verður prufusöngur fyrir óperudeildina. Ef ég fæ eitthvað hlutverk verður það örugglega einn af drengjunum þremur sem koma tvisvar, þrisvar fram í óperunni (töfraflautunni) og syngja tríó. Ég geri mér engar vonir, þá verður maður allavega ekki vonsvikinn.
Tónleikarnir á laugardaginn gengu bara vel, þrátt fyrir heljarinnar hálsbólgu söngkonunnar og þá staðreynd að ég heyrði ekki baun í mér fyrr en í síðasta laginu. Tónleikarnir á Paddy's í Keflavík gengu líka bara þrælvel, en ég gleymdi fjólubláa Dick Tracy-hattinum mínum þar :(. Við æfum á eftir, það verður fyrsta æfingin síðan á laugardaginn (enda ekki svo ýkja langt síðan).
Ég læt ykkur vita þegar koma myndir frá tónleikunum í Keflavík.
skrifað af Runa Vala
kl: 14:27
|
|
|
